5 كۆلبه‌ران ل سنورێ چیایێن ئورمیێ دوهی ژ ئه‌گه‌رێ ره‌نیا به‌فرێ ژیانا خۆه ژده‌ست دان.
رێكخستهنا هه‌نگاو یا مافێن مرۆڤى به‌لاڤكر، دوهى روژا دووشه‌مبیێ، پتری 5 كۆلبه‌رێن خه‌لكێ ئۆرمیێ ل ده‌مێ كۆلبه‌ریێ ل چیایێن وى باژێرى، ژ ئه‌گه‌رێ ره‌نیا به‌فرێ ژیانا خوه ژده‌ست دان.
ژێده‌رێن نافخۆ ژی راگه‌هاندینه، ئه‌و 5 كۆلبه‌ره ل گوندێ دریشك یێ باكوورێ كوردستانێ تووشى روودانه‌كی بوون و هێزێن چه‌كدارێن توركیا رێ ب خه‌لكێ گوندى نه‌دان ب تانا وان بچن و تا نها ته‌رمێن وان نه هاتینه دیتن.
د زانیاریێن ده‌ستپێكى دا دیاربوویه، ئه‌و كۆلبه‌ره خه‌لكێ گوندێ كوران یێ ئۆرمیێ نه.
