ئەندامەکێ لژنا وەبەرھێنانێ ل پەرلەمانێ کوردستانێ ئاشکراکر کو لژنا وەبەرھێنانێ ل پەرلەمانێ کوردستانێ، پێشنیار بۆ دەستەیا وەبەرھێنانێ بلندکرینە کو ئەو گرێبەستێن وەلاتییان ل گەل پرۆژەیێن وەبەرھێنانێ گرێداین ب پارە بھێنەدان.
سەفین ئاغا، ئەندامێ لژنا وەبەرھێنانێ زێدەتر بۆ خانی نیۆز گۆت: مە ئەف پێشنیارە بۆ دەستەیا وەبەرھێنانێ بلندکریە چنکو کاودانێن ئابووری تێکچووینە و پتریا خەلکێ ئەڤ یەکەیێن ئاکنجیبوونێ تۆمارکرین فەرمانبەرن و مووچە ب پارێ عیراقی وەردگرن و دۆلار گران بوویە و زیان ڤێ کەفتییە، لێ ھەتا نوکە دەستەیا وەبەرھێنانێ چ بەرسڤ نەداینە.
ھەڤدەم پێشتر د. شوکری، سەرۆکێ دەستەیا وەبەرھێنانێ ل کوردستانێ بۆ خانی نیوز ئاشکراکربوو کو ھزر ل وێ چەندێ ھاتدیەکرن کو میکانزمەکا نوو بۆ وان خەلکێن کو قستێن ئاکنجیبوونێ ھەین بھێتە دیتن چنکو دولار گران بوویە.
خانی نیوز، سالار محەمەد دۆسکی
