ئەنتۆنی بلینکن بەربژارێ جۆ بایدنی بۆ وەزیرێ دەرڤە یێ ئەمریکا د گۆتارەکێ دا ل کۆنگرێسێ وەلاتێ خوە دا گۆت: وی دڤێت دووبارە پەیوەندیێن ستراتیژی یێن ئەمریکا ل گەل ھەڤپەیمانێن وان ئاڤا بکەتە ڤە، بۆ بەرسنگگرتنا ھەڤرکێن ئەمریکا یێن وەکو چینێ، رووسیا و کۆریا باکور.
بلینکنی ئاماژه ب پەیوەندیێن ئەمریکا و تورکیا کر و گۆت: تورکیا وەکو ھەڤپەیمانەکێ ناتۆ رەفتاران ناکەت، لەورا ئەو دێ پێداچوونی د ھندێ دا کەن، ھەکە پێدڤی بکەت دێ سزایێن زێدەتر ل سەر تورکیا سەپینن، ئەو ژی ژ ئەگەرێ کرینا سیستەمێ دژە مووشەکی یێ ئێس ٤٠٠ ژ رووسیا.
پشتی کرینا سیستەمێ دژە مووشەکی یێ رووسی ژ ئالیێ تورکیا ڤە، ل ھەیڤا بۆری ئەمریکا دۆرپێچا ئابووری خستە سەر وەزارەتا بەرگرییا تورکیا، ئەنتۆنی بلینکن دەربارەی پێنگاڤێن تورکیا گۆتییە: ئەڤە جھێ قەبوولکرنێ نینە، کو تورکیا ل سەر ئێک ھێل بیت ل گەل مەزنترین ھەڤرکێ مە یێ ستراتیژی کو ئەو ژی مۆسکۆ یە.
بلینکن د ئیدارا ئۆبامای دا جێگرێ وەزیرێ دەرڤە یێ ئەمریکا بوو.
