ئەڤرۆ پێنج شەمبی رێکەفتی (٢١/١/٢٠٢١) بریکارێ وەزیرا کۆچ و کۆچبەرێن ئێراقێ سەرەدانا کەمپێن (بێرسڤ١- بێرسڤ٢- چەم مشکۆ) ل زاخۆ کرن.
سەلما سەعید، بریکارێ وەزیرا کۆچ و کۆچبەرێن ئێراقێ د چارچۆڤێ سەرەدانا خۆ دا ل گه‌ل به‌رپرسێن وان كه‌مپان كۆمبوو و ژ نیزیكڤه هایدارى ره‌وشا ئاوارهیێن ناڤا كه‌مپان بوو.
سەلما سەعیدى بۆ خانی نیوز راگه‌هاند: ئێك ژ ئــارمانجێن سـەرەدانا وى بۆ کـەمپێن ئـاوارەیـان ژ نێزیک ھـایداربوونا خێزانێن وان کەسانه ئەوێن به‌رى چه‌ند رۆژان داوی ب ژیانا خوە ئیناین.
ناڤهاتی گۆت ژى: كاركرن ل سه‌ر ڤه‌گه‌راندنا ئاوارهیێن ناڤا كه‌مپان بۆ ده‌ڤه‌ر و جهێن وان، ئێك ژ ئارمانجێن دى یێن سه‌ره‌دانا وى بوو.
هه‌ژى گۆتنێ یه ئاوارهیێن ده‌ڤه‌را شنگالێ د ناڤ هه‌ر سێ كه‌مپێن بێرسڤ١ و بێرسڤ٢ و چەم مشکۆ دا دژین، ئه‌ڤ كه‌مپه دكه‌ڤنه سنورێ ده‌ڤه‌ردارییا زاخۆ ل پارێزگه‌ها دهۆكێ و ل ده‌ستپێكا هاتنا داعشێ ل سالا 2014ێ هاتینه دامه‌زرادن.
خانى نیوز، دیار شكرى
