حەسەن رەمەزان، بەرپرسێ راگەھاندنا لقێ ھەڤلێرێ یێ سەندیکا کرێکارێن کوردستانێ، د پرێسکونفرانسەکێ دا راگەھاند: سالا بۆری ب ئەگەرێ بەلاڤبوونا ڤایرۆسێ کۆرۆنایێ ل جیھانێ و ل ھەرێما کوردستانێ، کاریگەرییەکا مەزن ژلایێ ئابووریڤە ھەبوو، ئەڤە ژی بوویە و ب ئەگەرێ راوەستیانا پرۆژان ب ھزاران کرێکاران کارێن خۆ ژ دەست داینە.
بەرپرسێ راگەھاندنا لقێ ھەڤلێرێ یێ سەندیکا کرێکارێن کوردستانێ ئەو چەندە ژی دیارکر، ژ سەرجەمێ ١٢ ھزار و ٥٥٩ کرێکارێن ئەندام، ٥٢٦ ئەندام ژ رەگەزێ مێ نە، و ب رێکا ١٢١ لژنان کارێن کرێکاران د جھێ کاری دا دھێتە رێکخستن، ھەروەسا وان سەرەدانا ھزار و ٦٢٢ کرێکار ژی د جھێ کارێ دا کرییە داکو ژ نێزیک ئاگەھداری رەوشا وان بن.
حەسەن رەمەزان بەحسێ وێ چەندێ ژی کر، ئەو داخواز دکەن کرێکارێن بیانی ئەوێن ب رێکێن نەیاسایی ھاتین، ب ڤەگەریننەڤە جھێن وان، چونکی بۆ سەر کرێکارێن مە بارگرانییەکە، بۆ ھندێ ژی داکو دەلیڤا کاری بۆ کرێکارێن ناڤخۆیی بھێتە دابین کرن، چونکی کرێکارێن بیانی ھەبوون ب ناڤێ گەشتیاری ھاتینە و نەڤەگەریانەڤە، یان ئیقاما وان تەمام بوویە و ھێشتا ل ڤێرێ کاردکەن.
ناڤهاتى گۆت ژى: د سالا ٢٠٢٠ێ دا ١٠ کرێکارێن ناڤخۆیی گیانێ خۆ ژ دەستداینە
