کۆنگرێسێ ئەمریکا دەمێ لێپرسینێ ل گەل سەرۆکێ بەری نوکە یێ ئەمریکا دۆنالد ترامپی دیار کر.
جاک شۆمەر، سەرۆکێ دیمۆکراتان ل جڤاتا پیرێن ئەمریکا راگەھاندییە: ل رۆژا ٨-٢-٢٠٢١ دێ پرۆسا لێپرسینێ ب تۆمەتا ھاندانا توندوتیژیێ ل گەل سەرۆکێ بەری نوکە یی ئەمریکا دۆنالد ترامپی دەستپێکەن و ئەو پرۆسە دێ بۆ دەمێ حەفتییەکێ یا بەردەوام بیت.
ل ١٣-١-٢٠٢١ کۆنگرێسێ ئەمریکا ب تۆمەتا ھاندانا توندوتیژیێ و ھێرشکرنێ بۆ سەر ئاڤاھییێ کۆنگرێسێ ئەمریکا، کو ئەو ھێرشکرنە ببوو ئەگەرێ کوشتنا پێنج کەسان، پرۆژە بریارا لێپرسینێ ل گەل دۆنالد ترەمپی پەسەند کرییە و بۆ جڤاتا پیران ھنارتییە.
