ل دووڤ وان داتایێن ھنارتنا نەفتا ئیراقێ ل سالا بۆری زێدەتر ژ ئێک ملیار بەرمیلێن نەفتێ بوون، و داھاتێ وێ ژی زێدەبوویە و گەھشتییە ٤١ ملیار دولاران، ھەروەسا دیاربوویە کو کۆمپانیێن چینی و ھیندی مەزنترین کریارێن نەفتا ئیراقێ بووینە، پشتی وان ژی ئەمریکا نەفت ژ ئیراقێ کرییە.
و ل دووڤ داتایێن وەزارەتا نەفتا ئیراقێ، سەرجەمێ ھنارتنێ ل سالا ٢٠٢٠ێ ملیارەک و ٩٦٠ ملیون بەرمیلێن نەفتێ بوون و ھەیڤانە ژی ب تێکرایا ٩١ ملیۆن ٣٦٢ ھزار بەرمیلێن نەفتێ بووینە، ھەروەسا ل سەر ئاستێ رۆژانە ژی ب تێکرایا ٢ ملیۆن و ٣٦٢ ھزار بەرمیلێن نەفتێ ھاتینە ھنارتن.
د داتایا وەزارەتا نەفتێ دا ھاتییە کو سەرجەمێ داھاتێ نەفتێ ل سالا چوویی ٤١ ملیار و ٧٥٥ ملیۆن دولار بوون، و تێکرایا ھەر ھەیڤەکێ ژی ٣ ملیار و ٤٧٩ ملیۆن دۆلار ژ فرۆشتنا نەفتێ ب دەستکەفتینە، ھەروەسا تێکرایا بھایێ ھەر بەرمیلەکا نەفتێ ب گشتی ل سالا بۆری ٣٨.٨٦ دولار بوون، ھنارتنا نەفتێ ژ کێلگەھێن بەسرا و ناڤەراستا ئیراقێ ٦٠ ملیۆن و ٤٥٤ ھزار بەرمیلێن نەفتێ بووینە، و سەرجەمێ داھاتێ وێژی ٤٠ ملیار و ٤٨٨ ملیۆن دولار بوون.
ھەروەسا ھنارتنا نەفتا کەرکوکێ ژی بۆ بەندەرێ جەیھان یێ تورکی ٣٣ ملیۆن بەرمیل بوون و ھەموو داھاتێ وێ ژی یێ سالا ٢٠٢٠ێ ملیارەک و ١٩٦ ملیۆن دولار بوون.
