ئیراق ل رێزا دویێ یا مه‌زنترین هاورده‌كارا كه‌لوپه‌لێن ئیرانێ یه

رێڤه‌به‌ریا گومركێن ئیرانێ 5 مه‌زنترین هاورده‌كارێن كه‌لوپه‌لێن ئیرانى راگه‌هاندن و ئیراق ل رێزا دوێ دهێت.

مه‌هدى ئه‌شره‌فى، رێڤه‌به‌رێ گومركێن ئیرانێ راگه‌هاند؛ قه‌بارێ بازرگانییا ده‌رڤه‌ یا ئیرانێ د ده‌ما 10 مه‌هێن بوورى دا گه‌هشتییه‌ 59 ملیار دۆلاران و ئیراق ژى د ناڤا وان وه‌لاتان دا ل رێزا دوێ هاتییه‌ وه‌ك مه‌زنترین هاورده‌كارا كه‌لوپه‌لێن ئیرانى.

رێڤه‌به‌رێ گومركێن ئیرانێ دیار ژی كر، چین د هاورده‌كارا كه‌لوپه‌لێن ئیرانێ دا پێشه‌نگه‌ ب 22 ملیۆن و 800 هزار ته‌نان، كو ب بهایێ 7 ملیار و 200 ملیۆن دۆلارایه‌. ئیراق ژى ل رێزا 2 دهێت ب 22 ملیۆن و 300 هزار ته‌نان ب بهایێ 6 ملیار و 300 ملیۆن دۆلاران. ئیمارات ژى ل رێزا  3 دهێت ب 12 ملیۆن و 800 هزار ته‌نان كو ب بهایێ 3 ملیار و 700 ملیۆن دۆلارایه‌.

هه‌ره‌سا توركیا ژى ل رێزا 4 دهێت ب 5 ملیۆن و 700 هزار ته‌نان ب بهایێ 2 ملیار دۆلارایه‌ و ئه‌ڤغانستانێ ژى رێزا 5 گرتییه‌ ب 5 ملیۆن و 800 هزار ته‌نان ب بهایێ ملیاره‌ك و 900 ملیۆن دۆلارن كه‌ل و په‌ل هاورده‌كرینه‌‌.

ب رێژه‌یا گشتی، وان 5 وه‌لاتان 69 ملیۆن و 500 هزار ته‌ن كه‌لوپه‌ل ژ ئیرانێ هاورده‌كرینه‌ كو بهایێ وان 21 ملیار و 300 ملیۆن دۆلارن.