وەزیرێ ساخله‌مییا ئیراقێ راگه‌هاند؛ تا نها چ نیشانێن جۆرێ نوو یێ ڤایرۆسێ کۆرۆنایێ ل ئیراقێ دیارنه‌بووینه.
حەسەن تەمیمی، وەزیرێ ساخله‌می و ژینگەها ئیراقێ راگەهاند؛ تا نها چ نیشانێن جۆرێ نوو یێ ڤایرۆسێ کۆرۆنایێ ل ئیراقێ دەرنەکەفتینه، هه‌روه‌سا پشکا ئیراقێ یا ڤاکسینێ کۆرۆنا یا مسۆگەره و دێ ل دووماهیا مه‌ها ئادارێ گه‌هت.
حەسەن تەمیمی خویا ژی كر، ڤاکسین ل ده‌ستپێكێ بۆ نۆشدار و کارمەندێن ساخله‌می، هێزێن ئێمناهی، میدیاکاران و کەسێن د سه‌ر 50 سالیێ دا و هه‌روه‌سا ئەوێن نەخۆشیێن گران هه‌ین هێته دان.
ئێكه‌م حالەتێ كۆرۆنایا نوو ل مه‌ها 9 یا سالا 2020 ل بریتانیا هات تۆماركرن و رێژه‌یا تووشبوونێ ل بریتانیا زێده‌بوو و ب شێوه‌یه‌كێ ب له‌ز بۆ وه‌لاتێن دی هات ڤه‌گوهاستن و چەندین وه‌لاتا گەشتێن ئاسمانی ل گەل بریتانیا راگرتن و ل بریتانیا ژى قەدەغەیا ھاتن و چوونێ هاتییه راگه‌هاندن..
