چاڤدێرەکێ سیاسی ل دۆر سەرەدانا شاندێ ھەرێمێ بۆ بەغدا راگەھاند، کۆمبوونێن شاندێ ھەرێمێ د گەل لژنا دارایی یا پەرلەمانێ ئیراقێ د شاشن، ھەکە ھەرێمێ خواست با د گەل لژنێن پەرلەمانێ ئێراقێ کۆم بیت، یا دروست ئەوبوو ب رێکا نوونەرێن ھەرێمێ ل پەرلەمانێ ئێراقێ دگەل وان کۆم ببن.
موئەیەد تەیب، چاڤدێرێ سیاسی و ئەندامێ بەرێ یێ جڤاتا نوونەرێن ئیراقێ بۆ خانى نیوز ئاشکرا کر، دەمێ شاندەکێ حکومەتا ھەرێمێ دچیتە بەغدا پێدڤییە ھەڤدیتنێن وان د گەل شاندێن حکومی بن نەک لژنێن پەرلەمانی، ژبەر کو ئەوە رێکا دروستە بۆ گەھشتنا رێکەفتێ و چارەکرنا کێشەیان.
موئەید گۆت ژی، ژی نیازا ھەموو سەردانێن شاندێ ھەرێمێ بۆ بەغدا چارەکرنا کێشەین ھەولێر و بەغدا بوون و ب ھەموو مەرجێن بەغدا رازیبووینە، لێ جار بۆ جارێ بەغدا مەرجێن خوە زێدەکرینە.
موئەیەد تەیب خویا ژی کر، د راستی دا ئیرادەکا ساخلەم ل ئیراقێ نینە کو کێشەیێن ھەرێمێ و بەغدا چارەبکەن، ئەو ئیرادا دخوازیت کێشە د ناڤبەرا ھەر دو ئالیان دا بمینن و ئالۆزتر لێ بھێن پترە ژ وێ ئیرادا حەزدکەن کێشە چارە ببن.
موئەیەد تەیب د خۆلێن بووری دا ئەندامێ جڤاتا نوونەرێن ئێراقێ بوو و شارەزایی د عەقلێ سیاسی یێ ئێراقی دا ھەیە، وەسا دبینیت ھەموو ئالیێن شیعی ب ئاشکرایی و ئالیێن سونی د دل دا دژی لێکتێگەھشتنا ھەولێر و بەغدانە و ناخوازن ئەو کێشە بھێنە چارەکرن و دیار کر، ئەڤا نھا د ناڤبەرا ھەرێمێ و ئێراقێ دا دروست دبیت یاریەکا ئالۆزە ژبلی نیازێن خراب چ تشتەکێ دی نیشان نادەت، ژبەر وێ یەکێ ژی یێ گەشبین نیننە ڤێ جارێ ژی شاندێ ھەرێمێ د گەل بەغدا رێککەڤن، ژبەرکو ئەو میکانزما ڤان سەرەدان و ھاتنوچوون و رونشتنان میکانزمەکا دروست نابینیت.
