توركیا دێ پێدانا ڤیزێ بۆ ئیراقییان ب زه‌حمه‌ت ئێخیت

بالیۆزخانا توركیا ل به‌غدا راگه‌هاند؛ ژ نها و وێڤه‌ پێدانا ڤیزێ ب وه‌لاتیێن ئیراقێ ته‌نێ دێ ب رێكا راسته‌وخۆ بیت.

بالیۆزخانا توركیا ل به‌غدا د به‌یانه‌كێ دا راگه‌هاند؛ وه‌لاتێ توركیا ژ ئه‌ڤرۆ وێڤه‌ دێ پێدانا ڤیزێ ب وه‌لاتیێن ئیراقێ ب زه‌حمه‌ت ئێخیت و مامه‌له‌ ته‌نێ ب رێكا راسته‌وخۆ دێ هێن برێڤه‌برن و پێدڤى یه‌ به‌رى گه‌شتێ بۆ توركیا بكه‌ن ڤیزا ستیكه‌ر ل پاسپۆرتا خوه‌ بده‌ن. و ب ڤى ره‌نگى ڤیزا ئه‌لكترۆنى ناهێنه‌دان.

دیار ژى كر، وه‌رگرتنا ڤیزێ هه‌ر ب چ مه‌به‌ستا گه‌شتیارى، ساخله‌مى، بازرگانى یان ده‌ربازبوون بۆ ناڤ ئاخا توركیا بیت پێدڤییه‌ ڤیزا ستیكه‌ر ل سه‌ر پاسپۆرتا وان هه‌بیت.

بالیۆزخانا توركیا ژی، مۆله‌ت دایه‌ كۆمپانییه‌كا باوه‌رپێكرى ژ بۆ وه‌رگرتنا داخوازی و مامه‌له‌یێن ڤیزێ كو ل هه‌موو ئیراقێ نڤیسینگه‌هـێن خوه‌ هه‌نه‌.