ل دھۆکێ کچەکا شەش سالی دکەڤیتە د چالەکا ئاڤێ دا و دخەندقیت.
ئێڤاریا ئەڤرۆ دووشەمبی ١-٢-٢٠٢١ ل تاخێ ماسیکا گوندی ل باژێرێ دھۆکێ کچەکا شەش سالی کەفتە د چالەکا ئاڤێ دا و خەندقی، ئەو چالە ژی جوکەکا ئاڤێ یا کەڤن بوویە، لێ ژبەر ھاتنا ئاڤا بیرەکا پڕوژەکێ ئاکنجیبوونێ ل نێزیک وی جھی ئەڤ چالە تژی ئاڤ بوویە.
نەخۆشخانا ھەوارھاتنێ بۆ خانی نیوز دیارکر: پۆلیسێن وان شییان ڤێ کچا شەش سالی ژ وێ چالێ بینن دەر و ب رێکا بنگەھێ ماسیکێ و ب ترومبێلا ھەوارھاتنێ بگەھیننە نەخۆشخانا ھەوارھاتنا دھۆکێ، لێ وێ کچا شەش سالی گیانێ خۆ ژدەست دابوو.
خانی نیوز، سەعد عاسف
