وەزارەتا کارەبا ھەرێمێ راگەھاندییە، وان بھایێ کارەبا نیشتمانی ب رێژا ٢٠٪ زێدەکرییە، ھۆکار ژی بۆ داکەفتنا بھایێ دینارا ئێراقی ڤەگەراندینە.
ئەڤ زێدەبوونە، دێ ھەموو ھەڤبەشێن کارەبا نیشتیمانی ڤەگریت، ب جھێن بازرگانی، حکومی، چاندنێ و مالانڤە.
پێشتر وەزارەتا کارەبێ بۆ ب کارئینانا (١-٤٥٠) کیلۆ واتێن کارەبێ، بۆ ھەر کیلۆواتەکی ١٥ دینار ژ وەلاتییان وەردگرت، بەلێ نوکە بۆ ھەر کیلۆواتەکا کارەبێ دێ ١٨ دیناران وەردگریت.
بھایێ ئێک کیلۆواتا کارەبێ بۆ جھین بازرگانی ١٥٧ دینارە، پێشتر ١٣٠ دینار بوو، بھایێ ئێک کیلۆواتا کارەبا فەرمانگەھێن حکومەتێ بۆ ١٨١ دیناران ھاتییە زێدە کرن، کو پێشتر ١٥٠ دینار بوون، ھەروەسا بۆ پرۆژێن چاندنێ ژی ٣٦ دینارە.
