وه‌زاره‌تا په‌ترۆلا ئیراقێ راگه‌هاند، داهاتێ وان یێ مه‌ها بوورى زێده‌تر ژ چار ملیار و 730 ملیۆن دۆلاران بوو.
وه‌زاره‌تا په‌ترۆلا ئیراقێ راگه‌هاند؛ ل مه‌ها كانوونا دوێ نێزیكى 89 ملیۆن به‌رمیلێن په‌ترۆلێ هه‌نارده‌كرینه، و داهاتێ وێ زێده‌ترى چار ملیار و 730 ملیۆن دۆلاران بوو كو به‌راورد ب مه‌هێن پیشتر زێده بوویه.
دیار ژى كر، سه‌رجه‌مێ وێ په‌ترۆلا خاڤ یا كێلگه‌هێن ناڤه‌راست و باشوورێ ئیراقێ بو مه‌ها كانوونا دوێ زێده‌ترى 85 ملیۆن و 780 به‌رمیلان بوو. هه‌نارده‌یا په‌ترۆلا كێلگه‌هێن كه‌ركووكێ ژى ب رێكا به‌نده‌رێ جه‌یهان زێده‌ترى 3 ملیۆن و 52 هزار به‌رمیلان بوو.
وه‌زاره‌تا په‌ترۆلا ئیراقێ ئاماژه ب وێ یه‌كێ ژى دایه، قه‌بارێ هه‌نارده‌كرنا په‌ترۆلا رۆژانه 2 ملیۆن و 868 هزار به‌رمیل بوون، و تێكرایێ بهایێ هه‌ر به‌رمیله‌كێ ژى زێده‌ترى 53 دۆلاران بوو.
ل گوره‌ى راگه‌هاندنا وه‌زاره‌تا په‌ترۆلا ئیراقێ، هه‌ر به‌رمیله‌كا په‌ترۆلێ به‌راورد ب مه‌ها كانوونا ئێكێ یا سالا بوورى نزیكى 6 دۆلاران زێده‌تر هاتییه فرۆتن.
