پشتی کۆ دوھی دووشهمبی 1-2-2021 ژ ئەگەرێ شۆرتەکا کارەبێ خانیێ وهلاتی زیاد ئەحمەد ھاتییە سۆتن و زەرەر و زیانێن ماددی ڤێکەفتین، ئەڤرۆ ھاریکاریێن دەزگەھێ خێرخوازیێ بارزانی گەھشتنێ.
موقەدمێ مافپەروەر بێوار عەبدولعەزیز بەرپرسێ پشکا راگەھاندنا رێڤەبەریا بەرەڤانیا باژێری ل دھۆکێ بۆ خانی نێوز گۆت: پشتی کو بنگەھێ باژێری ل شێلادزێ ل سەر روودانا شۆرتەکا کارەبێ ئاگربەربوونا مالا وی وهلاتی ھەر ئێکسەر تیمێن وان گەھشتنە جھێ رویدانێ و ئاگریكۆنترۆلكر. ل دوور زیانان ژى ناڤھاتی راگههاند: چەندین کەرەستێن ناڤ مالێ ھاتینە سۆتن و ئهو زیان ب کوژمێ ئێک ملیۆن و ھەشتێ و دوو ھزار دیناران ھاتینە خەملاندن.
شەڤگێر رەمەزان نوونەرێ دەزگەھێ خێرخوازیێ بارزانی ل شێلادزێ بۆ خانى نیوز گۆت: پشتی کو ئەم ل سەر وێ روودانێ ھاتینە ئاگەھدارکرن ئهو شییاین چەند ھاریکاریێن دەستپێکی بگەھینینە وێ خێزانێ کۆ پێکھاتبوون ژ جل و بەرگا و بەتەنی و گازا سپی و ئاھێن خوارنێ.
خانی نیۆز، سامی رێکانی
