بھایێ پەترۆلێ ل بازارێن جیھانێ ب رەنگەکێ بەرچاڤ بلند بوویە و ژ ٥٨ دۆلاران ده‌ربازبوو.
ئێڤارییا ئەڤرۆ چوارشەمبی ٣-٢-٢٠٢١ بھایێ پەترۆلێ بلند بوو و ئێک بەرمیلا پەترۆلا برێنت ب ٥٨ دۆلار و ١٧ سەنتان کرین و فرۆتن پێ ھاتەکرن، ھەروەسا پەترۆلا خاڤا ئەمریکی ژی بھایێ وێ بۆ ٥٥ دلار و ٤٤ سەنتان بلند بوو.
بلندبوونا بھایێ پەترۆلێ ھەڤدەمە ل گەل کێمبوونا پەترۆلا عەمبارکی یا ئەمریکا، ھەروەسا بریارا خۆبەخشانەیا سعودیا لدۆر کێمبکرنا ئاستێ بەرھەمئینانێ کو دێ ئێک ملیۆن بەمیلان ل دەستپێکا ڤێ مەھێ ھەتا دووماھییا ھەیڤا ئادارێ کێم کەت.
