دکتۆر محەمەد شوکری سەرۆکێ دەستەیا وەبەرھێنانێ ل ھەرێما کوردستانێ بۆ خانی نیوز راگەھاند: ئەو نھا کار ل سەر دهستپێكرنا ھژمارەکا پرۆژەیێن گەشت و گۆزارى ل سنورێ پارێزگەھا دھۆکێ دکەن و دەستپێکرنا وان پرۆژەیان دێ لڤینەکێ ئیخیتە بازارێ ڤێ دەڤەرێ.
دکتۆر محەمەد شوکری دەربارهی پرۆژەیێ گهشت و گۆزارى یێ چیایێ زاوا دیار کر: بریار ھاتییە دان ئەو پرۆژە بھێـتە بەرفرەھکرن ژ بۆی تشتێن زێدەتر بھێنە دابینکرن و ب شێوەیەکێ باشتر بھێتە دروستکرن داکو ھەر گەشتییارەکێ قەستا وێ وێری بکەت، ھەموو خزمەتگۆزارییێن گەشت و گۆزارێ تێدا ببینیت و پێدڤی ب ھۆتێل و مۆتێل و جھێن وەرزشی و بازارکرنێ ل دەرڤەی پرۆژەی نەبیت. ب ڤێ یەکێ ژی رێژەیا ھاتنا گەشتیاران بۆ سنورێ پارێزگەھا دھۆکێ دێ زێدەتر بیت.
ناڤھاتی گۆت ژی: دوو پرۆژەیێن ھێلا تلفریکێ دێ ل سەرسنکێ و ئاکرێ ھێنە دروستکرن، ھەروەسا ئەو ھۆتێلێن وان دەڤەران کو کەڤن بووینە، جاردن دێ ھێنە نووژەنکرن ژبۆی کو د بیاڤێ وەبەرھێنانا گەشت و گوزارێ مفا ژێ بھێتـە وەرگرتن.
خانى نیوز، چنار ئهحمهد
