رێناس جانۆ: ئیراق یا د ره‌وشا (لا دولة) دا

چاڤدێرێ سیاسى و په‌رله‌مانتارێ خۆلا به‌رێ یێ جڤاتا نوونه‌رێن ئیراقێ، رێناس جانۆ بو خانی نیوز گۆت؛ ئیراق نها یا د ره‌وشا نه‌بوونا سه‌روه‌ریێ دا و ئه‌م دشێین بێژین ئه‌ڤ وه‌لاته‌ یێ د ره‌وشا نه‌بوونا ده‌وله‌تێ دا 

رێناس جانۆ چاڤدێرێ سیاسى دیاركر ژى؛ هێز و میلیشیاتێن چه‌كدارى نها ژ هێزێن له‌شكه‌رى یێن ئیراقێ ب هێزترن و ئه‌ڤه‌ژى وێ چه‌ندێ دگه‌هینیت كو سه‌روه‌ریا ئیراقێ دده‌ستێن میلیشیات و گروپێن مه‌زهه‌بی یێن ئیراقێ دا یه‌ و ئه‌وا ل رۆژێن بوورى رووداى ژى نموونه‌كا ساخه‌ بۆ گۆتنا مه‌.

رێناس جانۆ خویا كر؛ كازمى نه‌ بو فریادره‌سێ ئیراقێ و وه‌كو زه‌لامه‌كێ تێكه‌ل دناڤبه‌را  سیاسه‌كى و روژنامه‌ڤانه‌كێ زیره‌ك دا نه‌شیا چ بكه‌ت چونكه‌ د نها دا گوره‌پانا ئیراقێ گروپێن چه‌كدار ل سه‌ر جادا نه‌ و كێشه‌یێن دارایى یێن مه‌زن هه‌ین و روژانه‌ سنوورێن ئیراقێ و سه‌روه‌ریا وێ دهێنه‌ بن پێ كر و ناكووكیێن مه‌زن یێن سیاسى د مه‌یدانا ئیراقێ دا هه‌نه‌.