جڤاتا پیرێن ئەمریکا ب پترییا دەنگێن ئەندامێن ھەردو پارتییێن دیمۆکراتی و کۆماری داخواز ژ ئیدارا بایدنی کر فشارێن خوە ل سەر تورکیا زێدە بکەت، ب تایبەت د پرسا مافێن مرۆڤی دا.
٥٤ سیناتۆرێن جڤاتا پیرێن ئەمریکا نامەیەک ئیمزا کرییە و تێدا رەجەب تەیب ئەردۆغان، سەرۆککۆمارێ تورکیا ب پشتگوھـ خستنا ئۆپۆزسیۆنێ و بێدەنگکرنا میدیایا رەخنەگر و زیندانکرنا رۆژنامەڤانان تۆمەتبار کرییە.
سیناتۆران د نامەیا خوەدا یا بۆ بایدنی ھنارتی داخواز کرییە دوپاتیێ ل ئەردۆغان و حکومەتا وی بکەن کو داویێ ب تەپەسەرکرنا ئۆپۆزسیۆنێ ژ دەرڤە و ناڤا تورکیا دا بھینیت و زیندانیێن سیاسی ئازاد بکەت.
ل گۆرەی شرۆڤەکرنا بسپۆر و شارەزایان ئیدارا بایدنێ بەرۆڤاژی ئیدارا ترامپی دێ توندتر بیت ھمبەری تورکیا، بایدنی د ھەوا خوەیا ھەلبژارتنان ژی دا ئەو یەک پشتراست کرییە کو تورکیا ئاریشا مەزنە ل رۆژھەلاتا ناڤین و پێدڤییە سیاسەتەکا توند ھمبەری وێ بگرنە بەر.
