شنگال.. میتا تورکیا بەرپرسەکێ پەکەکێ رەڤاند

دەزگەھێ ھەوالگیریا تورکیا میتێ د ئۆپەراسیۆنەکێ دا ل شنگالێ بەرپرسەکێ پارتییا کارکەرێن کوردستانێ پەکەکێ دەستەسەرکر و ڤەگەراندە تورکیا بۆ لیکۆلینێ د گەل دا.
ل گۆرەی ئاگاھیێن میدیایا فەرمی یا تورکیا، ئیبراھیم پاریم یێ ب ناڤێ قاشەریان بەرنیاس و بەرپرسێ لۆجستی یێ پەکەکێ، ژ ئالیێ تیمەکا میتێ ڤە ل شنگالێ ھاتە دەستەسەرکرن و بۆ ستەنبۆلێ ھاتیە ڤەگوھاستن و نھا لێکۆلین د گەل دا دھێتە کرن.
میدیایا تورکیا ئاشکرا ژی کر، ئەو بەرپرسێ پەکەکێ ل سالا ٢٠١٤ێ پشکداری د خوەنیشادانێن پشتەڤانییا کۆبانێ دا کرییە یا ل باژارێ وانێ یێ باکورێ کوردستانێ ھاتیە کرن، ھەروەسا ٢٠١٥ێ پەیوەندییا راستەخۆ ب رێزێن پەکەکێ کرییە و بوویە بەرپرسێ لۆجستی یێ وێ حزبێ ل شنگالێ.