زاخۆ.. ئاگربەربوو خانیەکی و خودانێ مالێ ژیانا خوە ژ دەست دا

ئاگر بەربوو خانیێ وەلاتییەکێ ل تاخێ سێمالکا ل ناڤەندا باژارێ زاخۆ و خودانێ مالێ گیانێ خوە ژ دەست دایە.

بێوار عەبدولعەزیز، بەرپرسێ راگەھاندنا رێڤەبەرییا بەرەڤانییا باژاری ل پارێزگەھا دھۆکێ بۆ خانی نیوز راگەھاند، مالا وەلاتییەکێ ل تاخێ سێمالکا ل ناڤەندا باژارێ زاخۆ سەعەت شەش و بیست دەقیقە ئاگر بەربوویێ، تیمێن ئاگرڤەمراندنێ ژی بلەز گەھشتن جھێ روودانێ و ئاگر کۆنترۆل کر.

ئاشکرا ژی کر کو خودانێ مالێ ب ناڤێ مەھدی حسێن و ژیێ و ٤٤ سالن و خودان خێزانە و د مالا خوەدا سۆتیە و ھەتا گەھاندیە نەخۆشخانێ ژیانا خوە ژ دەست دا.

ل گۆرەی ئاگاھیین دەستپێکی ئەو کەس تووشی نەخۆشیەکا دەروونی ببوو و وی ئاگر بەردایە خوە و مال ژی د گەل دا سۆتیە، لێ بەرپرسێ راگەھاندنا بەرەڤانییا باژاری ل پارێزگەھا دھۆکێ ئاشکرا کر، لژنەک بۆ ڤەکۆلینێ ھاتیە پێکئینان بۆ زانینا ئەگەرێن ئاگربەربوونێ.