ژڤانە ل مەھا ئادارێ دو کۆنفرانسێن ھەرە مەزن یێن گرێدای ژینگەھـ و گەشت و گوزار، ساخلەمی و ژیارا وەلاتییان، ل پارێزگەھا دھۆکێ بھێنە ب رێڤەبرن
عەبدولرەحمان دۆسکی، رێکخەر و بەرھەڤکەرێ کۆنفرانسان بۆ خانی نیۆز گۆت: ب شێوازەکێ نوو و ب رێکا گوگل میت زوومێ چەندین کۆنفرانسێن گرێدایی ژین و ژیارا وەلاتیان و ب پشتەڤانیا پارێزگەرێ دھۆکێ دێ کۆنفرانس ل دھۆکێ ھێتە کرن.
عەبدولرەحمان دۆسکی دیار ژی کر، کۆمەکا کۆربەند و کونفرانسان د بیاڤێن جودا یێن (گەشت و گوزار، ژینگەەـ و ئاف و ساخلەمی یا گشتی و خوارن و چاندن، د ئەڤ سالە دا دێ ھێنە کرن، کۆنفرانسێ گەشت و گوزارێ ل ١٣/٥ و ژینگەەـ و ئاڤێ ل ١٨/٣ و ھەروەسا فەرمانگەهـ و رێڤەبەریێن بسپۆر ژی ل پارێزگەھێ دێ پشکدار و ھاریکاربن د کۆنفرانسی دا .
رێکخەرێ کۆنفرانسان خویا ژی کر، دناڤا ئەڤان کونفرانسان دا دێ رێکخستی یێن گرێدایی ھەمان بیاڤ و کەسانێن بسپۆر ل سەر ئاستێ جیھانی پشکدار بن.
عەبدولرەحمان دۆسکی، گۆت ژی، کۆنفرانسێ ژینگەھێ دێ دو پەنلان بخوە ڤە گریت و نوونەرێن بالیۆزخانه‌یان ل عیراقێ و ھەرێمێ ژ بۆ گۆتوبێژان دێ پشکداربن.
خانی نیۆز، سالار دۆسکی:
