گولستان باقى ئه‌نداما لژنا په‌روه‌رده و خواندنا بلند ل په‌رله‌مانێ كوردستانێ راگه‌هاند: ئه‌و دگه‌ل هندێ نینن كو ده‌رگه‌هێن قوتابخانا بهێنه گرتن ژبه‌ركو ره‌وشا كۆرۆنایێ ل هه‌رێما كوردستانێ ب شێوه‌یه‌كێ گشتی یا جێگیره.
گۆت ژى: رێنمایێن ساخله‌مى تا راده‌كێ باش ل قوتابخانان دهێنه بجهئینان و هه‌تا نوكه سه‌رجه‌مێ ملیۆنه‌ك و 700 قوتابیان ب تنێ چار حاله‌ت ل هه‌رێما كوردستانێ هاتینه تۆماركرن.
گولستان باقى گۆت ژى: ژبه‌ركو ره‌وش یا كۆنترۆلكریه نابیت ده‌رگه‌هێن قوتابخانا بهێنه گرتن و هندی قوتابی د ناڤ هۆلێن قوتابخانان دا بخوینن دێ گه‌له‌ك یا مفادارتر بیت و ئه‌و ل گه‌ل هندێ نینن وه‌كو ئیراقێ ده‌رگه‌هێن قوتابخانه‌یان بهێنه گرتن، ژبه‌ركو ره‌وشا كۆرۆنایێ و سیاسه‌تا وان و هه‌ر تشتێ وان ب به‌راورد ل گه‌ل عیراقێ جودایه.
