وەزارەتا ساخلەمییا حکومەتا هەرێما کوردستانێ د راگەهاندنەکێ دا دیارکر: روودانێن ئەڤ شەڤە یێن هەولێرێ ب تنێ سێ بریندار هەبووینە.
ل گۆرێ راگەهاندنا وەزارەتا ناڤهاتى: بریندارێ ئێکێ زێرەڤانێ ئێک ژ قونسولخانەیێن تاخێ وەزیران بوویە و رەوشا وى یا ساخلەمیێ باش و جێگیرە، لێ هندەک ساچمە بەرکەفتینە.
بریندارێ دووێ کەسەکێ کوردێ رۆژئاڤایێ کوردستانێ یە و ل مەیدانکا ئاژەلان کاردکر، برینا وى کیر و گرانە و شکەستن د لەشێ وى دایە، رەوشا وى یا ساخلەمیێ تا رادەیەکێ جێگیرە.
ل گۆرێ وەزارەتا ساخلەمیێ بریندارێ سێ یێ کەسەکێ دى یێ مەیدانکا ئاژەلانە و رەوشا وى ساخلەمیێ جێگیر نینە.
وەزارەتا ساخلەمێ گۆتییە ژى، هەر زوو بریندار گەهشتینە نۆخۆشخانەیان و فریاگۆزاریێن پێدڤى بۆ وان هاتینە ئەنجامدان و ل هۆلێن نشتەرگەریێ و نەخۆشخانەیان دا هاتینە نڤاندن.
