ئاسایشا ناڤده‌وله‌تى ئه‌ڤرۆ دێ ل دۆر كوردستان و ئیراقێ كۆم بیت

جڤاتا ئاسایشا ناڤده‌وله‌تى ئه‌ڤرۆ دێ كوم بیت و ته‌وه‌رێ سه‌ره‌كى رێككه‌فتنا ئیراقێ و هه‌رێما كوردستانێ یه‌.

جڤاتا ئاسایشا ناڤده‌وله‌تى ئه‌ڤرۆ دێ كۆمبیت و ته‌وه‌رێ سه‌ره‌كی یێ كۆمبوونێ رێككه‌فتنا ئیراقێ و هه‌رێما كوردستانێ یه‌، نه‌ته‌وه‌یێن ئێكگرتى داخوازا پێناسه‌كا روهن بۆ په‌یوه‌ندیێن هه‌ولێر و به‌غدایێ دكه‌ت. ئه‌و داخوازیه‌ ژى د راپۆرتا نه‌ته‌وه‌یێن ئیكگرتى دا هاتییه‌ كو ئه‌ڤرۆ ب فه‌رمى دێ ژ ئالیێ جێنین پلاسخارت، هنارتییا سكرتێرێ گشتى یێ نه‌ته‌وه‌یێن ئێكگرتى ل ئیراقێ د كۆمبوونێ دا  پێشكێشى جڤاتا ئاسایشا ناڤده‌وله‌تى كه‌ت.

فه‌رهان هه‌ق، جێگرێ په‌یڤدارێ نه‌ته‌وه‌یێن ئێكگرتى ل دۆر گۆتوبێژێن هه‌رێما كوردستانێ و حكومه‌تا فیدرال گۆت: گۆتۆبێژ هێشتا دبه‌رده‌وامن و ئه‌و بهیڤی نه‌ ئه‌نجامێن گۆتوبێژان رێككه‌فتنه‌كا بهێز هه‌بیت. پێناسه‌یه‌كا روهن یا دناڤبه‌را حكومه‌تێن ئیراق و كوردستانێ بۆ سه‌قامگێرییا ئیراقێ گرنگه‌.

ته‌وه‌ره‌كێ دى یێ كۆمبوونا جڤاتا ئاسایشێ، هه‌لبژارتنێن ئیراقێ یه‌، به‌رنامێ نه‌ته‌وه‌یێن ئێكگرتى ل ئیراقێ نه‌شێت رۆلێ خۆه‌ ل پرۆسا هه‌لبژارتنان به‌رفره‌هبكه‌ت بێى رازه‌مه‌ندییا جڤاتا ئاسایشێ و تا نها چ بریار ژی ده‌رباره‌ی وی بابه‌تی نه‌داینه‌.

ئیراقێ ژى ناخوازیت نه‌ته‌وه‌یێن ئێكگرتى پرۆسا ده‌نگدانێ رێك بێخیت و داخوازا به‌غدا ب تنێ رۆله‌كێ به‌رچاڤ یێ نه‌ته‌وه‌یێن ئێكگرتى یه‌ د چاڤدێریكرنا هه‌لبژارتنان و پشتراستكرنا ئه‌نجامان دا.