تیرۆرستێن داعش بازرگانه‌كێ كورد كوشت

روانگه‌ها سووری بۆ مافێن مرۆڤى راگه‌هاند، پشتى بازرگانه‌كێ كورد ژ لایێ داعشان ڤه‌ هاتییه‌ ره‌ڤاندن و كوشتن، تیرۆریستێن داعشێ، بۆ راده‌ستكرنا ته‌رمێ وى داخوازا (100) هزار دۆلاران كرییه‌.

هه‌روه‌سا گۆتییه‌، رێكخراوا “تیرۆریستی یا داعشێ” بازرگانه‌كێ كورد یێ ب ناڤێ “عه‌باس خزر جومعه‌” ره‌ڤاندییه‌، كو د ژیێ‌ (25) سالیێ دابوو‌ و خه‌لكێ گونده‌كێ ده‌ڤه‌را حه‌سه‌كی بوو و بازرگانێ ترۆمبێلان بوویه‌.

ئه‌و كریارا تیرۆریستی وى ده‌مى هاتییه‌ زانین،‌ ده‌مێ وان تیرۆرستان‌ وێنه‌ و گرته‌یێن ڤیدیۆیى یێن كوشتنا وى بازرگانى بۆ خیزانا وى ڤرێكرین.