كه‌نه‌دا و ئه‌لمانیا و هۆله‌ندا هێرشا مووشه‌كى یا سه‌ر هه‌ولێرێ شه‌رمزار كرن

وه‌زاره‌تا ده‌رڤه‌ یا ئه‌لمانیا و بالیۆزخانه‌یێن كه‌نه‌دا و هۆله‌ندا ل هه‌ولێرێ هێرشا شڤێدی یا هه‌ولێرێ شه‌رمزاركرن.

 كونسولخانا هۆله‌ندا ل هه‌ولێرێ ئه‌ڤرۆ راگه‌هاند؛ دلگرانین ب وێ هێرشا مووشه‌كى یا ل سه‌ر هه‌ولێرێ هاتییه‌ كرن و گیان ژ ده‌ست دانا به‌لێنده‌ره‌كێ مه‌ده‌نى و برینداربوونا وه‌لاتیێن سڤیل و هێزێن هه‌ڤپه‌یمانان. هه‌ڤخه‌مییا خوه‌ ژى بۆ كه‌سوكارێن قۆربانییان دیاركر.

هه‌روه‌سا وه‌زاره‌تا ده‌رڤه‌ یا ئه‌لمانیا ژی د به‌یانه‌كێ دا  هێرشا سه‌ر باژارێ هه‌ولێرێ ب توندى شه‌رمزاركر و دوپاتكر، دێ ل سه‌ر شه‌ڕێ ل دژی تیرۆرێ د به‌رده‌وامبن، هه‌روه‌سا سه‌ره‌خۆشییێن خوه‌ ئاراسته‌ى كه‌س وكارێن وان دكه‌ن یێن ژیانا خوه‌ ژده‌ست داىن و داخوازا سلامه‌تییێ بۆ برینداران خواستن.

ژ ئالییه‌كێ دی، ئاشلى دۆریك، به‌رپرسێ نڤیسینگه‌ها بالیۆزخانا كه‌نه‌دا ل هه‌ولێرێ د راگه‌هاندنه‌كێ دا هێرشا مووشه‌كى یا سه‌ر هه‌ولێرێ شه‌رمزاركر و دوپاتكر‌، كه‌نه‌دا پشته‌ڤانا خه‌لكێ كوردستانێ یه‌ و پشته‌ڤانییێ ل بزاڤێن حكومه‌تێن كوردستان و ئیراقێ دكه‌ت ژ بۆ  ڤه‌كۆلینان ل سه‌ر وێ هێرشا ترسنۆك‌.