پێنتاگۆن: 14 مۆشەک ل نێزیک بنگەھێ ھێزێن ئەمریکا ل ھەولێرێ کەفتینە خار

وەزارەتا بەرگرییا ئەمریکا پێنتاگۆنێ راگەھاند، 14 مۆشەک ژ دەرڤەی فرۆکخانەیا  ھەولێرێ ل نێزیک بنگەھێ ھێزێن ئەمریکا کەفتینە خار و ب وێ ئەگەرێ بەلیندەرک ھاتیە کوشتن و پێنج ئەمریکی ژی بریندار بووینە.

ژ ئالییەکێ دی بەرپرسەکێ کۆچکا سپی ئاشکرا کر، جۆ بایدن، سەرۆکێ ئەمریکا ل سەر وێ ھێرشێ ھاتیە ئاگەھدارکرن و ترس ژ وێ یەکێ ھەیە ئالۆزیێن زێدەتر ل دەڤەرێ پەیدا ببن.

وی بەرپرسێ کۆچکا سپی گۆت ژی: ھێشتا زوویە بێژن کا ئەو ھێرش ژ ئالیێ ئیرانێ ھاتیە ئاراستەکرن یان نە، لێ پێشتر گرۆپێن میلیشیایێن شیعە یێن سەر ب ئیرانێ ڤە ھێرشێن وەکو وێ کرینە سەر ئەمریکا و ھەڤپەیمانییا ناڤدەولەتی ل ئیراقێ.