وه‌زاره‌تا ده‌رڤه‌ یا توركیا: هێرشێن هه‌ولێرێ شه‌رمه‌زار دكه‌ین

وه‌زاره‌تا ده‌رڤه‌یا توركیا، هێرشێن سه‌ر هه‌ولێرێ شه‌رمزاركرن و داخاز كر د ده‌مه‌كێ نێزیك دا كه‌سێن ئه‌ڤ كاره‌ ئه‌نجامداى بهێنه‌ ده‌سته‌سه‌ركرن .

وه‌زاره‌تا ده‌رڤه‌یا توركیا ئه‌ڤرۆ رۆژا سێشه‌مبیێ راگه‌هاند؛ هێرشێن‌ مووشه‌كی یێن سه‌ر هه‌ولێرێ ب توندی شه‌رمزار دكه‌ین و هیڤیا سلامه‌تیێ بۆ بریندارێن هێرشێ‌ خواستن و سه‌ره‌خۆشیێن خوه‌ بۆ كه‌سوكارێن قوربانییان دیاركرن و داخواز دكه‌ن د ده‌مه‌كێ نێزیك دا كه‌سێن هێرش كری بهێنه‌ ده‌سته‌سه‌ركرن و سزا بده‌ن.

وه‌زاره‌تا ده‌رڤه‌یا توركیا خویا كر، ئارمانجا هێرشێ تێكدانا ئارامی و سه‌قامگێریا ئیراقێ یه‌ و داخاز كر نه‌رمی به‌رانبه‌ر چ رێكخراوێن تیرۆریستی بكارنه‌ئینن و ده‌زگه‌هێن نه‌ته‌وه‌یی ب ‌هێز بكه‌ن.