ئێكه‌تییا جیهانییا زانایێن موسڵمانان ئیدانه‌یا هێرشا سه‌ر هه‌ولێرێ كر

ئێكه‌تیا جیهانی یا زانایێن موسڵمانان ئیدانه‌یا وێ هێرشا مووشه‌كییا سه‌ر هه‌ولێرێ كر كو د ئه‌نجام دا كه‌سه‌كى گیانێ خوه‌ ژ ‌ده‌ستدا و  ژماره‌یه‌كا وه‌ڵاتیێن دی ژى بریندار بوون.

دكتۆر عه‌لی قه‌ره‌داغی، ئه‌میندارێ گشتیێ ئێكه‌تیا جیهانی یا زانایێن موسڵمان، راگه‌هاند، ئه‌وهێرشا بۆ سه‌ر فڕۆكه‌خانه‌یا ناڤده‌وڵه‌تییا هه‌ولێرێ هاتییه‌ كرن هێرشه‌كا تیرۆریستی بوو. ئه‌و تاوان ژ لایێ ‌ شه‌ریعه‌تا ئیسلامى ڤه‌ حه‌رامه‌ و ئێكه‌ ژ‌  تاوانێن مه‌زن و سزایێ دنیایێ و ڕۆژا دووماهیێ بۆ هاتییه‌ ده‌ستنیشانكرن، وه‌ك ئه‌وا خودایێ مه‌زن د قورئانا پیرۆزدا گۆتى: (أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا) المائدة: 32

ئه‌میندارێ گشتیێ ئێكه‌تیا جیهانی یا زانایێن موسڵمان دووپاتكرییه‌، كو ئه‌و تاوانا تیرۆریستی هه‌ر كه‌س و لایه‌نێك بكه‌ت، هه‌ر كریاره‌كا تیرۆریستییه‌.

گۆت ژى: ئه‌و تاوانا به‌رامبه‌رى هه‌ولێرێ هاتییه‌ كرن، ‌به‌رۆڤاژى رێنمایێن ئیسلامێ و هه‌موو ئاینێن دییه‌. ‌