په‌كه‌كه‌ كوشتنا وه‌لاتییه‌كێ هه‌رێمێ یێن دگه‌ل دیلێن تورك راگه‌هاند

 پارتا كرێكارێن كوردستانێ ئه‌ڤرۆ چوار شه‌مبى 17-2-2021ێ راگه‌هاند، كو ئێك ژ وه‌لاتێن هه‌رێما كوردستانێ كو یێ گرتى بوو د ئێك ژ زیندانێن وان و دگه‌ل 13 دیلێن توركیا هه‌موو یان گیانێ خۆ ژ ده‌ست داینه‌.

د تۆماره‌كا ده‌نگیدا هاتییه‌ كو حزبێ ل سه‌ر ده‌زگه‌هێن راگه‌هاندنێ به‌لاڤكرینه‌، و دیاركر كو 15 ئه‌ندام ژ حزبا كرێكارێن كوردستانێ و 37 سه‌ربازێن تورك  د شه‌رێ چیایێ گاره‌ی دا هاتنه‌ كوشتن.

وئاماژه‌ ب هندێ ژى دا كو  دگه‌ل 13 دیلێن تورك كو ئێك ژ وان وه‌لاتێن هه‌رێما كوردستانێ بوو هاتنه‌ كوشتن، ئه‌و قوربانیێ ژ هه‌رێما كوردستانێ ناڤێ وى (جۆتیار محسن)بوو‌ كو ژلایێ گه‌ریلایێن په‌كه‌كێ ڤه‌ ب تاوانا سیخۆریێ بۆ توركیا هاتبوو گرتن، و د شكه‌فته‌كێڤه‌ دگه‌ل وان هه‌ر 13 دیلێن تورك ل چیایێ گاره‌یێ گرتى بوو.

په‌كه‌كێ دیاركرییه‌ ژى كو توركیا گازا ژه‌هراوى د هێرشا خۆ دا بۆ سه‌ر شكه‌فتێ ب كارئینایه‌، ئه‌و ژى بوویه‌ ئه‌گه‌رێ هندێ كو ته‌نگه‌ نه‌فه‌سى په‌یدابیت و هه‌موو دگه‌ل شه‌ش زێره‌ڤانێن شكه‌فتێ ژ په‌كه‌كێ بمرن و پاشى له‌شكه‌رێ توركى ئه‌و جهه‌ گوله‌باران كرینه.

به‌رى سێ رۆژان ژى ده‌ستهه‌لاتا توركییا په‌كه‌كه‌ تاوانبار كربوو ب سێداره‌دانا 13 دیلێن تورك ل چیایێ گاره ل پارێزگه‌ها دهۆكێ ل هه‌رێما كوردستانێ ل سه‌ر سنورێ توركیا. ‌‌