سه‌میر هه‌ورامى: هه‌ولێر و به‌غدا ل سه‌ر بودجه‌ى نێزیكى رێككه‌فتنێ نه‌

شاندا هه‌رێما كوردستانێ یا دانوستانكار، ئه‌ڤرۆ پێنجشه‌مبى 18-2-2021ێ، گۆتوبێژ ل سه‌ر  رێككه‌فتنا هه‌ولێر و به‌غدا ده‌رباره‌یى پشكا هه‌رێما كوردستانێ د بودجا ئیراقێ دا یا سالا 2021ێ.

 ئاخفتنكه‌رێ ب ناڤێ سه‌رۆكێ شاندێ كوردى یا دانوستانكار سه‌میر هه‌ورامى د پرێس كۆنفرانسه‌كى دا دیاركر، دانوستاندنێن هه‌ولێر و به‌غدا ل سه‌ر بودجه‌ى نێزیكى وێ رێككه‌فتنێ نه‌ ئه‌وا د  ره‌شه‌نڤیسا یاسایا بودجه‌ى دا هاتى ئه‌وا كو هه‌رێمێ و حكومه‌تا ناڤه‌ندى رێكه‌فتن ل سه‌ر كرى.

هه‌ورامى دیاركر ژى، كو سه‌رۆكێ شاندا كوردستانێ یا دانوستانكار ب سه‌رۆكایه‌تییا قوباد تاله‌بانى به‌رده‌وام د كۆمبوون و دیداران دا بوون دگه‌ل كوتله‌ و كه‌سایه‌تێن سیاسى، داكو بگه‌هنه‌ رێككه‌فتنه‌كێ و هه‌موو لایه‌ن ل دووڤ مافێن ده‌ستورى رازیببن.