پارێزگارێ نوویێ ھەولێرێ ئەڤرۆ دێ سووندا قانوونی خۆت

بریارە پارێزگارێ نوو یێ ھەولێری ئەڤرۆ ل کۆچکا سەرۆکاتییا ھەرێما کوردستانێ سووندا قانوونی بخۆت و دەست ب کار بیت.
رێورەسمێن سووند خوارنا ئومێد خۆشناو، وەکو پارێزگارێ نوویێ ھەولێرێ ئەڤرۆ ل سەعەت ١١ی سپێدێ ل کۆکچا سەرۆکاتییا ھەرێمێ دێ ھێنە کرن، نیچیرڤان بارزانی، سەرۆکێ ھەرێما کوردستانێ دێ مەرسوومێ سەرۆکاتیێ بۆ پارێزگارێ نوو دەرکەت و وی دەمێ ئومێد خۆشناو وەکو پارێزگارێ ٤٢یێ یێ ھەولێرێ دێ دەست ب کار بیت.
پشتی نێزیکی سێ مەھان ژ وەغەرکرنا د. فەرسەت سۆفی، پاریزگارێ بەرێ یێ ھەولێرێ، ئومێد خۆشناو دێ بیتە پارێزگارێ ٤٢یێ و ب دەنگێ ١٨ ئەندامێن جڤاتا پارێزگەھێ ھات بوو ھەلبژارتن.
ئومێد خۆشناو
ئومێد عەبدولرەحمان حەسەن (خۆشناو).
ل ٠١-٠٦-١٩٧٧ ل ھەولێرێ ژدایکبوویە.
دبلۆم و بەکالۆریۆس د راگەھاندن و رۆژنامەڤانی دا ھەیە
ماستەر ب قانوونا گشتی
کادری پارتی دیموکراتی کوردستان نە
١٢سالان کارێ رۆژنامەڤانی کرییە
ئەندامی سەندیکا رۆژنامەڤانانێن کوردستانێ یە
سەرۆکێ فراکسیۆنا پارتی بۆ د خۆلا چارێ و پێنجی یێن پەرلەمانێ کوردستانێ
ئەندامێ لیژنێن دەستپاکی و کاروبارێن پەرلەمانی و دەڤەرێن کوردستانی یێن دەرڤەی ئیدارا ھەرێمێ بوو.
سکرتێرێ ئێکەتییا لاوێن دیمۆکراتا کوردستانێ بوو.