كۆمبوونا لژنا پیشه‌سازى ئه‌ڤرۆ ل پارێزگه‌ها دهۆكێ ب سه‌رپه‌رشتییا د. عه‌لى ته‌ته‌ر پارێزگارێ دهۆكێ و ب ئاماده‌بوونا رێڤه‌به‌رێن په‌یوه‌ندیدار و ئه‌ندامێن لژنێ برێڤه‌چوو.
نازدار عه‌بدولقادر، رێڤه‌به‌را پیشه‌سازییا دهۆكێ بۆ خانی نیۆز گۆت: ره‌زا‌مه‌ندییا ده‌ستپێكى ل سه‌ر 24 پرۆژه‌یێن پیشه‌سازى ل سه‌رانسه‌رى پارێزگه‌ها دهۆكێ هاته كرن و ئاشكرا كر ژى كو ده‌هـ ژ وان پرۆژان به‌رى نها ل ژێر سه‌رپه‌رشتییا ئه‌وان نه‌بوون و ژ نهۆ پێڤه دێ ل ژێر سه‌رپه‌رشتییا لژنا پیشه‌سازى كار كه‌ن و پرۆژه‌یێن دى پشتى ب رێڤه‌برنا رێكارێن یاسایى دێ پرۆژه‌یێن خوه دانن.
رێڤه‌به‌را پیشه‌سازییا دهۆكێ گۆت ژى؛ 372 كارگه‌هێن پیشه‌سازى یێن جوراوجور ل سه‌رانسه‌رى پارێزگه‌ها دهۆكێ كار دكه‌ن و به‌رده‌وامن ل سه‌ر كارێ خوه ل ژێر سه‌رپه‌رشتییا لژنه‌یا پیشه‌سازییا پارێزگه‌ها دهۆكێ.
