ساخله‌مییا هه‌رێمێ: مه‌ پێشنیارا کەرەنتینەکرنێ نەكریه‌‌

بریکارێ وەزارەتا ساخله‌مییا هەرێمێ راگەهاند: بڕیارە رۆژا دووشەمبییا داهاتى لژنا بلندا روبڕوبوونا کۆرۆنایێ ل هەرێمێ کۆمببیت و ل دووڤ ره‌وشێ  بڕیارێ ل سه‌ر رێکاران بده‌ت، و دبێژیت: وان پێشنیارا کەرەنتینەکرنا وه‌ڵاتیان نەکرییه‌، بەلێ ئه‌و پێشنیارا وان کرى یان سنووران دابێخن یان ژى هاتنا گەشتیاران و وه‌ڵاتیێن پارێزگه‌هێن دى یێن ئیراقێ بهێته‌ سنور داركرن.

رەهێڵ فەرەیدون بریکارێ وەزارەتا ساخله‌مییا هەرێمێ د هژمارا خوه‌ دا ل تۆرا جڤاكییا فەیسبۆکێ به‌لاڤكرییه‌، هه‌تا نوكه‌ چ حاڵەتێن زنجیرا نوو یا ڤایرۆسێ کۆرۆنایێ په‌یدا نه‌بووینه‌ و بۆ خوه‌ پشت راستكرنێ ژى ب رێكا رێكخراوێن جیهانى دێ تێسته‌كێ هنێرنه‌ ده‌رڤه‌ داكو بزانن، ئه‌رێ زنجیرا نوو یا كۆرونایێ یه‌ یان نه‌. ‌

ئاماژه‌ ب هندێ ژى دا بڕیارە رۆژا دووشەمبییا داهاتى لژنا بلندا روبەڕوبوونا کۆرۆنایێ ل هەرێمێ کۆمببیت و ل دووڤ ره‌وشا نوكه‌ بریارێ بده‌ت

ده‌ربارەی ئەگەرێ داخستنا قوتابخانه‌ و زانکۆ و فەرمانگەهان دیاركر  كو هه‌تا نوكه‌ چ بڕیاره‌ک بۆ داخستنا وان نییە.