<h3 style="text-align: justify;">وەزارەتا ساخلەمی و ژینگەھا ئیراقێ راگەھاند، سێ جۆرێن ڤاکسینێن کۆرۆنایێ یێ باوەرپێکری ل داویا ڤێ مەھێ دێ گەھن ئیراقێ. د. سەیف بەدر، پەیڤدارێ وەزارەتا ساخلەمی و ژینگەھا ئیراقێ راگەھاند؛ داویا ڤێ مەھێ ئێکەم کاروانێ ڤاکسینێ دژی کۆرۆنایێ دێ گەھیتە ئیراقێ و وەزارەتا ساخلەمیێ سێ جۆرێن ڤاکسینێن باوەرپێکری کڕینە، ئەو ژی سینۆفارم یێ چینی، ئەسترازینکای یێ بریتانی، فایزەر- بایۆنتیکێ ئەمریکی. د. سەیف بەدر گۆت ژی: وەزارەتا ساخلەمییا ئیراقێ دگەل ھەموو وەلات و کۆمپانیان د پەیوەندییان دانە و دبیت ھندەک جۆرێن دی ژی یێن ڤاکسینان وەربگریت. د چارچۆڤێ رێکارێن رێگرتنێ ل بەلاڤبونا کۆرۆنایێ، لژنا بلندا ساخلەمییا ئیراقێ، رۆژا ئەینی، شەمبی و ئێک شەمبی قەدەغەیا ھاتن و چوونا گشتی و رۆژێن دووشەمب، سێشەمب، چارشەمب و پێنج شەمبی قەدەغەیا ھاتن و چوونێ ل ھەموو ئیراقێ سەپاند</h3>
