ل دەڤەرا باتیفا پشتی كو پێلەکا بەفرێ دەڤەرێن سنوری و گەشتیاری ڤەگرتی و وەلاتییان ب ڕێژه‌كا بەرچاڤ وەک گەشتکرن قەستا ناڤا بەفرێ کرن.
گروپێ خوەبەخشێن ئازاد کو ل ساڵا ٢٠١٩ێ هاتییە دامەزڕاندن ل باتیفا چەندین کارێن خێرخوازی ئەنجام داینە و تانوکە دبەردەوامن، ئەڤرۆ ڕۆژا دوشەمبێ ل دانێ ئێڤارێ گروپێ ناڤهاتی قەستا ڕێکا گوندێ بانکێ یێ دەڤەرا باتیفا کرن ژبۆ هاریکارییا وان شوفێران یێن ماینە ئاسێ د ناڤا بەفرێ دا و دیسان ژی رێکێن گرتی ل پێشیا گەشتیاران ڤەکرن.
خەلات ئاڤهی سەرپەرشتێ گروپێ ناڤهاتی بۆ خانی نیوز گۆت: گروپێ وان نێزیکی دوو سالە هاتییه دامه‌زراندن، نە ب تنێ ل باتیفا، به‌لكو ل سەرانسەری زاخۆ و دەوروبەران کارێن خێرخوازی ئەنجامداینە و بەردەوامن د نوکە دا ژی قەستا گوندێن بەفرین دکه‌ن وەک هاریکاری بۆ وەلاتیێن گەشتێ دکن بۆ ناڤا بەفرێ.
خەلاتی ئەوچەندە ژی گۆت: ئه‌و دەڤەر دویرن ژ دەستهەلاتا پۆلیسێن هاتنوچوونێ ژبەر هندێ گرۆپێ مە ب ڕۆلێ پۆلیسێن هاتنوچوونێ ڕابوون، وان ڕێک ل پێشیا گەشتیاران ڤەکرن داکو تووشی چ بوویەرێن جانی نەبن و دەمێن خوەش ببورینن و ب سلامەتی بزڤرنە ناڤا کەس و کارێن خوه.
نزار مەجید، خانی نیوز
