رێڤەبەرێ باخداری: خواستەکا زێدە ل سەر چاندنا شتلێن فێقی هه‌یه‌

ل پارێزگەها دهۆکێ ئەڤ سالە خواستەکا زێدە ل سەر چاندنا شتلێن فێقی هەبوون، و زێدەتری 80 هزار شتلێن جودا هاتینە چاندن.
د. ئەمجەد عو‌به‌ید رێڤەبەرێ باخداری ل پارێزگەها دهۆکێ بۆ خانی نیوز دیارکر: بۆ ڤی وەرزێ نوو یێ چاندنێ وان سەد هزار شتلێن فێقی و گۆلێن جوانکاریێ بەرهەم ئینابوون، گۆت ژی: تا نها زێدەتری 80 هزار شتلێن جودا وەک باهیڤ و گویز و هژیر و هنار و زەیتوون و گەلەکێن دی ل سەر جۆتیاران هاتینە دابەشکرن، زێدەباری ب هزاران شتلێن گولێن جوانکاریێ.
ناڤبری دەربارەی بهایێ شتلان دازانین: د بهایێ شتلان دا حکومەتا هەرێما کوردستانێ 50% پشتەڤانییا جۆتیاران کریە، خویارکر ژی بۆ سالێن بهێت دێ پتر خزمەتا جۆتیاران کەن بۆ هندێ کەرتێ چاندێ ب هێز کەڤیت و پشت بەستن ل سەر داهاتێ خوه‌مالی بکەن.

 خانى نیوز، عه‌بدوللا عه‌لى