حازم تەحسین بەگ میرێ ئێزدییان ل كوردستانێ و جیهانێ، ل سەر پرسا ئێزدییێن سوریا هاتە سەرهێل و پەیوەندی ب بالیۆزێ سووریا ل عیراقێ کر.
د راگەهاندنەکێ دا، دانەییەک ب دەست خانی نیوز کەفتییە، میرێ ئێزدییان ل جیهانێ پەیوەندی ب سەتام جەدعان بالیۆزێ سووریا ل ئیراقێ کرییە ل سەر پرسا گشتیگریکرنا ناسنامەیێ ل سەر ئێزدییان كو ئەو بریار، بریارا وەزارەتا داد یا سووریا بوو.
د راگەهاندنێ دا هاتییە، میرێ ئیزدییان خواستییە چارەسەرییا پرسا ئێزدیان بهێتە کرن ل دۆر تێکستێن ئێزدییان و خواستا وان، و ئایینێ خوه وەک خوه جیبەجێ کەن.
ئەو یەکە ژی هاتییە، دڤێت ئەڤ بابەتە ب گرنگی بهێتە وەرگرتن و چارەسەری بۆ بهێتە دیتن ب شێوەیەکی یاسایی و تەشریعی، و ئێزدی ب ئازادانە مومارەسەیا ئاینێ خوه بکەن.
د داوییا بەیانێ ژی دا هاتییە، بالیۆزێ سووریا ل ئیراقێ سۆزداییە ئەڤ پرسە بهێتە چارەسەرکرن و پرسا ئێزدییان بگەهینیتە سەرۆکاتییا کۆمار و وەزارەتا داد یا وی وەڵاتی.
پێشتر خانی نیوز، ل سەر هەمان پرس پەیوەندی ب وەکیلێ میرێ ئیزدییان کربوو، و راگەهاندبوو کو پێدڤییە چارەسەریییەکا بلەز بۆ ڤێ پرسێ بهێتە کرن.
وەزارەتا داد یا سوورییا گشتگیركرنا ناسنامەیێ ب سەر ئێزدییان سەپاندبوو، ئەڤێ یەکی ژی نەڕازیبوون ل دووڤ خوه‌ڤە هێلان.
