فرۆکەیێن تورکیا گوندێ سییانێ یێ نزیکی چیایێ گارەی و گوندێ چەم ربەتێ ل ناحیا چەمانکێ ل سنورێ ئامێدیێ بۆردومانکر.
پەیامنێرێ خانی نیوز ل دەڤەرا ئامێدیێ راگەهاند: نیڤرۆیا ئەڤرۆ ئەینی، فرۆکەیێن تورکیا ل نزیکی گوندێ سییانێ بنگەهـ و بارەگەهێن پارتا کرێکارێن کوردستانێ پەکەکێ بۆردومان کر و تا نها زیانێن بۆردومانێ نەهاتینە زانین.
گۆت ژی، ل سنوڕێ ناحیا چەمانکێ ژی فرۆکەیێن تورکیا گوندێ چەم ربەتێ بۆردومان کریە و ترس و دوو دلی ئێخستییە دڵێ خەلکێ وێ دەڤەرێ.
دهێتە زانین ل ۱٠ی شواتا ۲٠۲۱ سوپایێ تورکیا ئۆپەراسیۆنا چیایێ گارەی دژی پەکەکێ دەستپێکربوو و بۆ چەند رۆژان بەردەوام بوو.
خانی نیوز، هەیوار نهێلی
