سترانبێژا به‌رنیاسا ئه‌مریكى له‌یدى گاگا خه‌لاتێ نیڤ ملیۆن دۆلار راگه‌هاندییه بۆ هه‌ر كه‌سێ هه‌ردوو سه یێن وێ یێن ب ناڤێ (كوجی) و (گه‌ستاف) ب زڤرینیت.
ل گوره‌ى رۆژناما ده‌یلى مه‌یل یا بریتانی، له‌یدى گاگا، هونه‌رمه‌ندا ئه‌مریكی كو ل ڤان دووماهییان ل مه‌راسیمێن سووندخارنا سه‌رۆكێ ئه‌مریكا جۆ بایدنى سرودا نشتیمانى یا ئه‌مریكا گۆتى، ل مه‌ها بوورى سه‌ره‌دانا رۆما كربوو بۆ دروستكرنا فلمه‌كى و هه‌رسێ سه‌یێن وێ ل هۆلیوود مابوون.
ده‌یلى مه‌یل دیاركریه ژى كو ل ئێڤارییا رۆژا چارشه‌مبێ كه‌سه‌كی سه‌یێن وێ برینه په‌یاسێ و ژلایێ كه‌سه‌كێ نه‌نیاس ڤه ته‌قه ل وان هاتییه كرن، دوو ژ سه‌یێن وێ دزینه و یێ سییێ رزگاربوویه.
ب ڤێ یه‌كێ ژى هونه‌رمه‌ندا ئه‌مریكی له‌یدى گاگا دلگرانه و گۆتییه هه‌ر كه‌سێ سه‌یێن وێ بۆ وێ ب زڤرینیت دێ ب نیڤ ملیۆن دۆلاران خه‌لات كه‌ت.
