<h3><span style="font-size: 18pt;">پشكنینێن هه‌ره‌مه‌كى بۆ 200 قۆتابیان هاتبوونه كرن و ژ ئه‌نجامێ وان ب تنێ ئێك حاله‌تێ ڤایرۆسێ كۆرۆنایێ دناڤا وان دا هه‌بوو.</span></h3> <h3><span style="font-size: 18pt;">د. نوره‌دین عه‌بدوللا، به‌رپرسێ سه‌نته‌رێ زانین یێ ساخله‌میا قوتابیان بۆ خانی نیوز راگه‌هاند: بۆ پشتراستبوون ژ نه‌خۆشیا كۆرۆنایێ 200 سه‌مپلێن هه‌ره‌مه‌كى ژ قوتابیێن قوتابخانێن جودا هاتنه وه‌رگرتن و پشتى پشكنین ل سه‌ر هاتینه كرن ئه‌نجامێن وان 199 نێگه‌تیڤ ده‌رچووینه و ئێك پوزه‌تیڤ بوویه، یێ پۆزه‌تیف ژى هه‌لگرێ ڤایرۆسێ كۆرۆنایێ بوو لێ نیشانێن نه‌خۆشیێ لێ دیار نه‌بوون و هاته ره‌وانه‌كرن بۆ چاره‌سه‌ركرنێ.</span></h3> <h3><span style="font-size: 18pt;">به‌رپرسێ سه‌نته‌رێ زانین یێ ساخله‌میا قوتابیان دیار ژى كر، لژنه‌یه‌كا بلند بۆ دووڤچوونا بجهئینانا رێنمایێن ساخله‌میێ هاتیه پێكئینان و پشتى دووڤچوونێن وان دیاربوویه كو پتریا قوتابى و قوتابخانان پێگیر بوون ب رێنمایێن ساخله‌مى و خوپارێزیێ .</span></h3> <h3><span style="font-size: 18pt;">د. نوره‌دین ئاشكرا ژى كر، هه‌كه ل پۆله‌كێ قوتابیه‌ك تووشى كۆرۆنایێ ببیت ئه‌و پۆله بۆ 14 رۆژان دێ هێته دائێخستن و هه‌كه د قوتابخانه‌یه‌كێ دا 5 حاله‌تێن ڤایرۆسێ كۆرۆنا بهێنه تۆماركرن ئه‌و قۆتابخانه دێ هێته دائێخستن.</span></h3> <h3></h3>
