لژنا نەفت و وزێ ل جڤاتا نوونه‌رێن ئیراقى ئاشكرا كرییه، سالانە 18 ملیار مەترێن سێگۆشە ژ گازا سروشتی یا ئیراقى ب هه‌روه دچن و دهێنه سۆتن، هه‌ر چه‌نده 25% یا وان بەرهەمێن نه‌فتى یێن نافخۆیی دا یێن دهێنه ب كار ئینان ژ وه‌لاتێن ده‌رڤه دهێن.
ئەندازیار زەهرە هەمزە بجباری، ئەندامێ لژنا نه‌فت و وزێ ل پەرلەمانێ ئیراقێ راگەهاند: ئیراق 25% یا بەرهەمێن نەفتى ژ دەرڤه دئینیت، ب تایبەتى بەنزینێ و گازا سروشتی، ئەڤه كاره‌كێ خرابە، چونكى ئیراق دەولەمەندترین وه‌لاتێ نەفتییە و نه‌شێت د نافخۆدا بەرهه‌مین نەفتى دابین بكه‌ت.
ئه‌و ژى گۆتییه، سالانە 18 ملیار مەترێن سێگۆشە ژ گازا سروشتییا ئیراقى ب هه‌روه دچن و دسۆژن، د ده‌مه‌كى دا گرێبەست ل گەل كۆمپانیێن بیانیدا هاتینه كرن بۆ مفا وه‌رگرتن ژ وێ گازێ، بەلێ هه‌تا نوكه چ بۆ ڤێ مەبەستێ نه‌هاتییه كرن و گازا سروشتى ب هه‌روه دچیت.
