باشوورێ کوردستانێ و وەلاتێ ئێکگرتێن ئەمریکا ھەر ئێک ژ ئەوان ب قەبارە و ھەبوونا خوە د گورەپانا ناڤدەولەتی دا گەف ومەترسی ھەنە ب جورێن لەشکەری ،ئاسایشی ،ئابووری، کۆمەلایەتی وسیاسی ب ئاستێن نافخوە ودەرڤە وجیھانی ،دیارە مێژوویا نووی یا پەیوەندیێن ئاسایشی و لەشکەری دناڤبەر ھەولێر و واشنتنێ دا بۆ سالا ٢٠١٤ دزڤرن لدەمەکێ باشوورێ کوردستانێ بەرخوەدانەک مەزن کر دشەرێ دژی تیرورستێن داعشێ دا، پێخەمت پاراستن کیانێ خوە یێ دستووری و یاسایی دچارچووڤێ ئیراقێ دا ودیسان ئاشتی و ئاسایشا جیھانی ، بێ گۆمان شیانێن ئاسایشی و ھەوالگیری و لەشکەری یێن باشوور سنوردارکری بوون ، شکەست و لاوزایێن ئەوان دیاربوون دقوناغێن جودا جودا یێن شەری ھەتاکۆ ئەمریکا و ھەفپەیمانییا نیڤدەولەتی ئەوا ھاتیە پێک ئینان بۆ ژناڤبرنا داعش دەستێ ھاریکاریی پێشکەش باشوور کرن و دەسپێکین ئاسایشا لەشکەری یا باشوورێ کوردستانێ ھاتن پێکھینان د مێژوویەک نووی دا.
ھەر ئەڤان پەیوەندیان وەکر ب فەرمی ل مەھا پێنج سالا ٢٠١٦ شاندەکی بلندێ لەشکەری ژ وەزارەتا بەرگیریا ئەمریکا بھێت باشوور، ئێکەم جار رێکەفتنەک فەرمی لژێر ناڤێ رێکەفتنا ھەفکارییا لەشکەری دناڤبەرا ھەولیَِر و واشنتنێ دا ب نوینەراتیا وەزیری پیشمەرگە یێ حکۆمەتا ھەرێما کوردستانێ ونوینەرەک ژ بینتاگونێ بھێت ئیمزا کرن ، بۆدجەیا ئەڤێ رێکەفتنامێ ھات خەملاندن ب ٤٠٠ $ ملیون دولارێن ئەمریکی وەک پشتەڤانی بۆ ھەرێمێ دیسان راوێشکارێن لەشکەری،ھەوالگیری و ئاسایشی ، مەشقکرنا پێشمەرگە ھەژمارە ٣٠٠ ھزاران، دانا چەک و تەقەمەنی و ترۆمپێلین لەشکەری و مووچەیێ پێشمەرگەی ، کارگیرییا سەرۆکێ بەرێ ئەمریکا دونالد ترامپ داکوکی کر ل ئەڤێ رێکەفتنێ و پشتەڤان بوو ب رەنگەکێ د بودجا خوە یا سالا ٢٠٢٠ کوژمێ $ ٢٤٩ ملیون دولار بۆ پشمەرگەی تەرخان کرییە .
گۆمان تێدا نینە کورد وەک ئەکتەرەک نافخوە یێ سەرەکی دھێت د ئاستێ ئیراقێ و وەلاتێن دی تورکیا و ئیران و سووریا ، گرنگییا خوە ھەیە بۆ ئەمریکا ب رەنگەکێ بکاربھینت بۆ پشتەڤانیکرن د دابینکرن و پەرەپێدانا ئارمانجێن ئاسایشا خوە یا نەتەوەیی ل روژھەلاتا ناڤەراست ب جورێن سیاسی ،ئابووری و لەشکەری ، ب نموونەیا ئاسایشا ئیسرائیل و بەرژەندێن کانزایی و وزێ ، بەلاڤەکرنا دیموکراسیەت و مافێ مرۆڤ ،شەرێ دژی تیرۆرێ ، دیارە بەربەست ھەنە ئەوژی ئەمریکا چاوان بکاربت دئیراقێ دا رێبازەک لەشکەری و سیاسی سیێ ئالی ببت سەری دناڤبەرا واشنتن و بەغدا و ھەولێرێ!، دیسان رەخنەییا واشنتن بۆ ریفراندۆما باشوورێ کوردستانێ ل سالا ٢٠١٧ ، لسەر ئاستێ سوریا و تورکیا ژی ئەمریکا دناڤبەرا بەرژەوەندیێن خوە دگەل تورکیا ، ل سوریا گرۆپێن عەرەبی یان شەرێ ھێزێ دگەل رووسیا و سنوردارکرنا ھەژموونا شیعەنیزمێ ، سەبارەت ئیرانێ دیارە دەمەکە ھەردوو وەلات ب ئاشکەرایی شەرێ خوە یێ لەشکەری دەسپێکرینە تایبەت پشتی کوشتنا قاسم سلێمانی ژلایێ ئەمریکیان و ئەبو مەھدی موھندس گەر بھێتە دیتن کەسێ ئێکێ یێ نەخشەکرنا شیعەنیزمێ دئیراقێ دا، ئەڤرۆ ب ئاشکەرایی ئیران و گرۆپێن شیعە دئیراقێ دا ئەمریکا ب دوژمن دزانن و گەفا ل وان دکن ئامادەنە ھەتاکۆ ھەولێرێ ئەوان ئارمانج بکن ! بەری پێنج ھەیڤان سەربازگەھێن لەشکەری یێن ئەمریکیان و ھەفپەیمانێن ھاتن ئارمانجکرن بێ گەر ببێژن کەسانێن ل پشت ئەڤێ ھێرشێ ب فەرمی بھێن نیاسین و ھەلویست ژ ئەوان بھێت وەرگرتن، ھەتاکۆ دەلیڤە ھاتیە دیتن دا ل شەڤا ١٥ لسەر ١٦/٢/٢٠٢١ جوداتر ودجەرگێ جوگرافییا ھەولێرێ دا دووبارە ئەمریکی و سەروەر و کەسانێن سڤیل یێن ھەرێمێ ھات ئارمانجکرن ، کوشتی وبرینداران و زیانێن دەراڤی ل پشت خوە ھێلان ئەڤێ ھێرشێ ، کورتر ژ وێ نامەک توند ئاسایشا کوچکا سپی و کەلا ھەولێری ب شیانێن سنوردارکری دھێت ھەژاندن ! .
دیارە وەزارەتا دەرڤەییا ئەمریکا دگەل سەرۆک وەزیریێن ھەرێمی ئاخفتیە و ئامادەییا خوە دیارکرییە بۆ پشتەڤانی و ڤەکولین و دادگەھکرنێ کەسانێن دپشت ئەڤێ بوویەرێ دا، گەر ناڤ بکن بۆیەرک تیرۆری کۆ گرۆپەکێ ناڤ ل خوە دکن (سەرایا ئەولیای دەم) وەک چاڤدیِر بۆ دچن پاشگویێن (حیزبوللای ئیراقی)، بەلێ( p.d.k) ب گوتەبێژی خوە ب رەنگەک فەرمی دەنە ناسکرن گرۆپەک ژ یاسا دەرکەفتی ب شیان و ھێز و پشتەڤانێن حەشدا شەعبی نە، یان ھیرَشەک لەشکەری ژلایێ نەیاریێن وان دئیراقێ و رۆژھەلاتا ناڤەراست دا ، ھەلویستی وەلاتیێن ل ھەرێمێ و ئیراقێ دمینن بەرامبەر ھەولێرێ ب ئەلمانیا و بریتانی و فرەنسا وھۆلەندا و نەتەوەیێن ئێکبوویی وشاھنشینا سعوودیی جھێ پێشوازیێ یان لسەر ئاستێ نەتەوەیێن ئێکبوویی چین ، گرنگە بھێن زانین ھێرشێن ب رەنگێ دیارکری بەری بۆ سەر ئاسایشا کەلا ھەولێرێ بن بۆ سەر ئاسایشا کۆچکا سپی دھێن ھەژمارتن، کورد وەک ھەڤالبەندەک ئەمریکا دئیراقێ و روۆژھەلاتا ناڤەراست ، گەرەکە ئایندەیێ ئەڤێ ھەفپەیمانی لەشکەری و ئاسایشی بھێتە دیارکرن و نەخشەکرن ب رەنگەکێ سەلامەتییا مرۆَڤ و بۆھا و پیرۆزی و ئارمانجێن ئاسایشا نەتەوەییا باشووری کوردستاێ ھەرتم بھێن بەرچاڤ وەرگرتن ، ئەڤە دخوازت رێکەفتناما ھەی دناڤبەرا ھەردوو ئالیان دا ھەولێر و واشنتن ئاستەک بلندتر و پیشەسازیەک مەزنترا لەشکەری ب چەک و تەقەمەتی و سیستەمێ دژە مووشەک بھێتە دیتن، ب رەنگەکێ ئاسایشا باشوورێ کوردستانێ ب جورێ پەژایی و ئاسمانی پێ بھێت دابینکرن و گەشەکرن ،لەورا ھەمبەری جوبایدن و کارگیرییا وی ئەزموونەک مەزن بزانت چاوان کوردان دئیارقێ دا یان رۆژھەلاتا ناڤەراست وێ بپارێزت ! دەلیڤەیەک بۆ ئەوی ھاتیە گەر بخازت ناڤێ خوە ژی بئێخت کێلەکا چیایان بۆ رێزبەندیا ھەڤالێن کوردان ، دیسان ھەلویستێ وەلاتێن دیارکری ژ شەرمزارکرن و بژی ھەولێر ببت قوناغا ھەوالگیری و ئاسایشی وپرچەکرن ،گرنگتر ژ ھەموویی وەزارەتا پێشمەرگە و دەزگایێن ھەوالگیری و ئاسایشی یێن ھەرێمێ ئێک بگرن ب دروستاھی ژبەرکۆ گەف و مەترسی بۆ سەر ئاسایشا باشوور خورتر دبن وکێماسیەک مەزنە ھەتاکۆ نووکە ترۆمپێلەک بارھەلگرا بچووک ھەرگاڤا ڤیا ئاسایشا باشوور تێک بدت ب ھەفپەیمانێن وێ ! .
