<h3 style="text-align: justify;"><span style="font-size: 18pt;"><strong>حه‌سه‌ن روحانی، سه‌رۆكێ ئێرانێ ئه‌ڤڕۆ چوارشه‌مبى 3ی ئادارا 2021ێ راگه‌هاند، ئه‌گه‌ر واشنتن سزایان سه‌ر ته‌هرانێ راكه‌ت؛ ئێران د ماوه‌یێ 2 رۆژان دا دێ پابه‌ندى رێككه‌فتنا ئه‌تۆمی بیت</strong><strong>.</strong></span></h3> <h3 style="text-align: justify;"><span style="font-size: 18pt;">روحانی گۆتی ژى: ته‌هران پارێزگاریێ له رێككه‌فتنا ئه‌تۆمی كرییه و مافێ وه‌لاتێ وییه سزایان ل سه‌ر رابكه‌ت، دانا سزایان ل سه‌ر ئیرانێ زۆلمه‌كه ل سه‌ر خه‌لكێ وى وه‌لاتى دكه‌ن.</span></h3> <h3 style="text-align: justify;"><span style="font-size: 18pt;">گۆتى ژى: ئیداره‌یا بایدن، دانپێدان ب هندێ كرییه، كو ئیداره‌یا به‌رێیا ئه‌مه‌ریكا شاشی كرییه، به‌لێ چ پێنگاڤێن جدی ده‌رباره‌یى وێ چه‌ندێ نه‌هاڤێشتینه، چ حه‌زه‌كا راسته‌قینه ل ده‌ڤ واشنتن نینه بۆ راكرنا سزایان ل سه‌ر ئیرانێ و ڤه‌گه‌ریان بۆ رێككه‌فتنا ئه‌تومى.</span></h3> <h3 style="text-align: justify;"><span style="font-size: 18pt;">رووحانی روونكرییه ژى، كو ئیداره‌یا نوویا ئه‌مه‌ریكا، شێوازێ ده‌ربرینا خوه گهۆرییه، و بابه‌تێ سه‌ره‌كى بۆ ئیرانێ راكرنا سزایان، و راگه‌هاندنێن ئه‌مریكا گۆرانكارى ب سه‌ردا هاتینه، به‌لێ سیاسه‌تا وێ به‌رامبه‌رى ئیرانێ نه هاتییه گۆهورین.</span></h3> <h3 style="text-align: justify;"><span style="font-size: 18pt;">روحانی ئاماژه ب هندێ ژى كرییه ، "كو ڤه‌گه‌ڕیان بۆ رێككه‌فتنا ئه‌تۆمی ب رێكا داتا و درۆشمان ناهێته كرن ، ئه‌م چاڤه‌ریێ پێنگاڤێن كردارینه، دووپاتى ل هندێ ژى كرییه كو رێككه‌فتنا ئه‌تومى گرنگترین رێككه‌فتنه د مێژوویا سیاسیا ئیرانێ دا، كو چالاكیێن ئه‌تۆمى ب یاسایى ب ناڤكرینه.</span></h3> <h3 style="text-align: justify;"><span style="font-size: 18pt;">سه‌رۆكێ ئێرانێ ئاماژه ب هندێ كرییه، كو وه‌ڵاتێ وى یێ پابه‌نده ب رێككه‌فتنا ئه‌تۆمی، ئه‌گه‌ر حه‌زا راسته‌قینه ل سه‌رجه‌م لایه‌نێن رێككه‌فتنێ هه‌بیت، ئێرانێ پارێزگاری ل وێ رێككه‌فتنێ كرییه، به‌لێ وه‌ڵاتێن ئه‌وروپی به‌رپرسیارن ب پابه‌ندنه‌بوونا وان ب رێككه‌فتنێ.</span></h3> <h3 style="text-align: justify;"></h3>
