نه‌شوان به‌رزنجى رێڤه‌به‌رێ راگه‌هاندنا ساخله‌مییا قه‌زا به‌رده‌ره‌شێ بۆ خانى نیوز راگه‌هاند: دوو پۆل د ناڤ دوو قوتابخانه‌یان دا ل سنورێ رێڤه‌به‌رییا په‌روه‌رده‌ییا به‌رده‌ره‌شێ ب ئه‌گه‌رێ هه‌بوونا حاله‌تێن ڤایرۆسا كۆرۆنایێ هاتینه كه‌ره‌نتینه‌كرن و ئێك ژ وان قوتابخانه‌یان ئاماده‌یا داره‌توویه، یێ دى ژى قوتابخانا بنه‌ره‌تییا دووگوندانه.
به‌رزنجى گۆت ژى: وان پشكنینان هه‌ره‌مه‌كى بۆ قوتابیێن وان قوتابخانه‌یان ئه‌نجامدایه و ژ ساخله‌مییا قوتابیێن دى ژى دلنیابووینه، لێ تا نها ئه‌و پشت راست نه‌بووینه كو كۆڤید نۆزده‌یه یان ژى كۆرۆنایا نوویه.
به‌رپرسێ راگه‌هاندنا ساخله‌مییا به‌رده‌ره‌شێ دوپاتكر، ئه‌و رۆژانه سه‌ره‌دانا قوتابخانه‌یان دكه‌ن و رێنمایێن خوه‌پارێزى و ساخله‌میێ دده‌نه مامۆستا و قوتابییان.
خانى نیوز، ویداد ئه‌مین
