ئەندامەکی پەرلەمانی کوردستانێ ددەتە خویاکرن، ڕەوشا دەڤەرێن کوردستانی ل دەرڤەیی ئیدارا هەرێما کوردستانێ دبن گەف و مەترسیان دانە.
مەم ئەسکەندەر، بۆ خانی نیوز گۆت: گرۆپێن نایاسایی و نە شەرعی ل وان دەڤەران ژیانا خەلکێ خراپتر کرییە و ئیران ل پشت ڤان کریارایە.
دیارژی کر، ب بەرنامە و پلان ڤان کاران دکەن و رێککەفتنا شنگالێ هیچ برگە و خالەیەکا وێ نەهاتییە بجهئینان.
مەم ئەسکەندەری زێدەتر گۆت، مخابن حکومەتا ئیراقێ کێمتەرخەمە ل سەر ڤان بوویەران و دەستهەلاتدارییا ئیراقی دەستهەڵات ل ڤان دەڤەران نینە، ئەو گرۆپ ب ئارەزووییا خوە پێشیلکارییان دکەن.
ئەڤی ئەندامێ پەرلەمانێ کوردستانێ گۆتژی: پشتی رێککەفتنا شنگالێ گرۆپێن نایاسایی زێدەتر لێهاتیینە ل وێ دەڤەرێ و ئەو ڕێگرن ل هەمبەر نەڤەگەڕیانا خەلکێ بۆ سەر دەڤەرێن وان.
خانی نیوز، کاروان باعەدری
