جڤاتا نوونه‌ران داخوازا داكه‌فتنا بهایێ دۆلارى دكه‌ت

جێگرێ سه‌رۆكێ جڤاتا نوونه‌رێن ئیراقێ راگه‌هاند؛ بلندبوونا بهایێ دۆلارى كارتێكرنه‌كا نه‌رێنى ل‌ سه‌ر ژیانا وه‌لاتیێن ئیراقێ و سه‌قامگیرییا ئابوورى كرییه‌.

حه‌سه‌ن كه‌عبی، جێگرێ سه‌رۆكێ جڤاتا نوونه‌رێن ئیراقێ راگه‌هاند؛ پێدڤییه‌ په‌رله‌مان پێنگاڤه‌كا ب رژدى و بله‌ز ژ بۆ كێمكرنا بهایێ دۆلارى بهاڤێژیت.

عه‌لی عه‌بدولئه‌میر عه‌لاوی، وه‌زیری داراییێ ئیراقێ ژی دیاركریه، ده‌ستنیشانكرنا بهایێ دۆلارى بریاره‌كا حكومییه‌ و گرێدای  وه‌زاره‌تا دارایی و بانكا ناڤه‌ندی یه‌.

عه‌لی عه‌بدولئه‌میر عه‌لاوی گۆت ژی: بهایێ نها یێ دۆلارى گه‌له‌كێ گرنگه‌ نابیت رۆژانه‌ گوهورین ب سه‌ر دا بهێن.