سەرۆك بارزانی پێشوازی شانده‌كێ هەنگاریا كر

سه‌رۆك مه‌سعود بارزانى پێشوازیی ل وەزیرێ دەولەتێ بۆ كاروبارێن كریستیانیان یێ حكومەتا هەنگاریا كر و سوپاسییا وان كر، كو ل شەرێ تیرۆریستان دا هه‌ڤكارییا هەرێما كوردستانێ بوویە.

سەرۆك بارزان، ئه‌ڤرۆ شه‌مبى 6/3/2021 ل سەلاحەددین، پێشوازیی ل تریستان ئەزبێج، وەزیری دەولەتێ بۆ كاروبارێن كریستیانیان د حكومەتا هەنگاریا دا كر، د دیدارەكێ دا كو ئیستڤان ئمری، كونسوڵێ گشتیێ هەنگارییا ل هەولێرێ ئامادە ببوو، وەزیری دەولەتێ بۆ كاروباریێن كریستیانیان د حكومەتا هەنگاریا دا راگەهاند، ئه‌و  سوپاسییا هەرێما كوردستانێ دكهن كو سه‌قایه‌كێ وه‌سا ئافراندیه‌، كو پێكهاتەیێن ئایینی و نەتەوەیی د  ئاشتیێ  و پێكەڤەژیانێ دا بن و د گەل ئێك بژیین، هەروەسا هەنگاریا شانازیێ  دبه‌ت كو  مل ب ملێ  هەرێما كوردستانێ  د شەرێ دژى تیرۆریستێن داعشێ داپشكدار بوویە.

وەزیری دەولەتێ بۆ كاروبارێن كریستیانیان د حكومەتا هەنگاریا دا دوپاتى ل وێ یه‌كێ كر كو وه‌لاتێ وان دێ یێ به‌رده‌وام بیت بۆ هه‌ڤكارى و هه‌ماهه‌نگیێ د گه‌ل هه‌رێما كوردستانێ،  سوپاسییا حكومەتا هه‌رێما كوردستانێ و خەڵكێ هەرێما كوردستانێ ژى كر، كو مێهڤانداریا سەدان هەزار ئاواره‌ و پەنابەران كرییه‌.

ژ لایێ خوه‌ڤه‌، سەرۆك بارزانی سوپاسییا حكومەتا هەنگاریا كر كو د شەرێ دژى تیرۆرستان دا هه‌ڤكارییا هەرێما كوردستانێ كرییە.