رێڤەبەرێ ئاسایشا رۆژئاڤایێ سلێمانیێ راگەھاند: سێ کەس ب تومەتا کوشتنێ رێگریکرن و برینا بەریکێن خەلکی دەستەسەر کرن.
ئەڤرۆ پێنجشەمبی 11-3-22021 رێڤەبەرێ ئاسایشا رۆژئاڤایێ سلێمانیێ راگەھاندنەک دەرباره دەستەسەرکرنا وان ھەر سێ تاوانباران بەلاڤكریە و راگەھاند: پشتی کو زانیاری ب دەست وان کەفتین کو گروپەکێ چەکداری ژ چار کەسان پێکھاتبوون د رێکا د ناڤبەرا چەمچەمال -تەکیەی دا رێک ل خەلکی د گرتن و بەریکێن خەلکەکی دبرین، ھەروەسا رۆژا 5-3-2021 کەسەکێ عەرەب ب ناڤێ (ی،ە،ع) کوشتی یە ھەر دھەمان دەم دا ھێزێن وان ده‌ست ب کۆمکرنا زانیارییان كرن.
د راگەھاندنەکێ دا ھاتییە، روژا 8-3-2021 دوو کەس ب ناڤێ (ب.ل.ح) و (ح.ب.و) رۆژەکێ پشتی ھنگێ کەسەکێ دی ب ناڤێ (د.ا.ش) دەستەسەرکرن، و ھەر سێ کەس خەلکێ قەزا چەمچەمالن .
نوکە تاوانبار ب بریارا دادوەرێ دادگەھا ڤەکۆلینان ل چەمچەمال ل دووڤ مادێ 405 ل قانونا سزایێ ئێراقێ هاتییه گرتن و ڤەکۆلین دگەل دا دێ ھێتە کرن، بەلێ چ زانیاری دەربارەی چوار کەسان د ناڤ وی گروپی دا ئاشکرانە کرن.
